Қирғизистон президенти Садир Жапаров мамлакат Вазирлар Маҳкамасини тарқатиб юборди. Бу ҳақда «Akipress» хабар берди.
Маълум қилинишича, давлат раҳбари тегишли фармонни 12 октябрь, сешанба куни имзолаган. Унга кўра, Вазирлар Маҳкамаси раиси Улуғбек Марипов ҳам вазифасидан озод этилган.
«Қирғизистон Вазирлар Маҳкамаси аъзоси лавозимини эгаллаган шахслар ўз вазифасини Қирғизистон Вазирлар Маҳкамасининг таркиби янгидан тузилгунча бажаришда давом этади», — дейилади хабарда.
Қайд этилишича, вазифасидан озод этилган Вазирлар Маҳкамаси раиси Улуғбек Мариповнинг ўрнига Оқилбек Жапаров мамлакат бош вазири вазифасини бажарувчи этиб тайинланган бўлиб, унинг Қирғизистон президенти маъмуриятини ҳам бошқариши белгиланган.
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Марказий Осиё давлатларига ташқи кучлар томонидан босим ўтказилмоқда - Ўзбекистон Президенти ҳузуридаги Хавфсизлик Кенгаши
