Casumo Голливуд юлдузларининг кадрда айтган битта сўзи учун қанча гонорар олишини маълум қилди.
"Cinema Blend" порталига кўра, дунёга машҳур актёрлар рейтингида бу борада энг кўп даромадни актёр Том Круз олади. Унинг кадрдаги битта сўзи учун тўланадиган ҳақ 7 минг долларни ташкил қилади. Ажабланарли томони шундаки, Круз кўпинча гонорар эмас, фильмдан тушган даромаддан фоиз олишни маъқул кўради.
Рейтингнинг иккинчи поғонасидаги Курт Расселлнинг даромади 5,6 минг долларга тенг. Учинчи ўринни 4,8 минг доллар билан Жонни Депп эгаллади.
Камерон Диаз актрисалар орасида рекорд ўрнатди, у ҳар бир сўз учун 4,6 минг доллар олади.
