Жиноят ишлари бўйича Қамаши туман судида ҳуқуқбузар З.Т. (эркак) ва жабрланувчи С.Т.нинг (аёл) иштирокида, МЖтКнинг 183-моддаси (майда безорилик) билан З.Т.га оид маъмурий иш кўриб чиқилди.
Qalampir.uz'нинг маълум қилишича, жорий йилнинг 27 октябрь куни ҳуқуқбузар З.Т. Қамаши тумани Қамай МФЙдаги 47-сон ҚВПга кўрик учун келган С.Т.га у билан жинсий алоқада бўлса ҳар ойда 1 000 000 сўмдан ойлик беришини айтиб, шаҳвоний шилқимлик қилиб, МЖтКнинг 41-1 моддаси (шаҳвоний шилқимлик) 1-қисмида назарда тутилган ҳуқуқбузарликни содир қилган.
Суд ҳукмига кўра, ҳуқуқбузар З.Т. МЖтКнинг 41-1 моддаси 1-қисми билан унга нисбатан 5 сутка маъмурий қамоқ жазоси ҳамда 247 500 сўм давлат фойдасига пул ундириш тайинланди.
