Қашқадарёда 1 ҳафталик чақалоғини 190 млн сўмга сотмоқчи бўлган эр-хотинга суд ҳукми ўқилди

Б.Қ. исмли ота ўзининг 2024 йилда туғилган Х.Г. исмли қизини сотиш мақсадида, шаръий никоҳида бўлган М.А. билан олдиндан тил бириктириб, бир гуруҳда, Ж.А.га қиз фарзанди борлигини, ўзларига турар жой сотиб олишлари учун пул зарурлигини, фарзандини 190 млн сўмга сотишини айтган. Шундан 45 млн сўм миқдоридаги пулларни олишган вақтида, ҳуқуқни муҳофаза қилувчи орган ходимлари томонидан ўтказилган тезкор тадбирда ашёвий далиллар билан ушланган.

Ота Қ.Б. 5 йил муддатга озодликдан маҳрум қилинган. Она М.А.га 4 йил озодликни чеклаш жазоси тайинланган.