Қарздор шахсга нисбатан суд томонидан жазо тайинланган

Фуқаролик ишлари бўйича Ромитон туманлараро судининг қарорига асосан, Ж.Назимовдан ундирувчи М.Назарова фойдасига бир нафар фарзанди учун ¼ қисм миқдорда алимент ундириш тўғрисидаги ижро ҳужжати бўлим иш юритувига 14.01.2025 йилда келиб тушган ва ижро иши қўзғатилган.

Ижро ҳужжатида кўрсатилган манзилда қарздорнинг яшамаётганлиги аниқланган. Шу сабабли, Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонунининг 42-моддасига асосан, қарздорнинг четга чиқиш ҳуқуқлари 20.01.2025 йилда вақтинча чекланган.

Қарздор 14.05.2025 йилда топилган ва алимент қарзи 2024 йил 9-сентябрьдан 2025 йил 14-майгача 9.918.073 сўмни ташкил этганлиги аниқланган. Алимент пулларини тўламаганлиги сабабли, тўпланган ҳужжатлар қонуний чора кўриш учун ЖИБ Марғилон шаҳар судига тақдим этилган ва қарздорга МЖтКнинг 47-4-моддасига асосан 15 сутка маъмурий қамоқ жазоси тайинланган