“Путиннинг режаси барбод бўлгани кўриниб турибди”. Германия ташқи ишлар вазири Анналена Бербок Киевга келди

“Путиннинг режаси барбод бўлгани кўриниб турибди”. Германия ташқи ишлар вазири Анналена Бербок Киевга келди

Германия ташқи ишлар вазири Анналена Бербок Киевга бу мақомдаги охирги ташрифини амалга оширди. Бу Россиянинг кенг миқёсли босқинининг бошланишидан бери Ташқи ишлар вазирлиги раҳбарининг Украинага ўн биринчи сафаридир.

“Германия Украинага инсонпарварлик эҳтиёжлари ва барқарорликни таъминлаш чоралари учун яна 130 миллион евро ажратади”, деди Бербок Киевда.

Германия ташқи ишлар вазири “АҚШ ва Россия ўртасидаги муносабатлар боши берк кўчага кириб қолгани” фонида қўллаб-қувватлаш айниқса муҳим эканини таъкидлади. Унинг сўзларига кўра, Россия янги шартлар қўйиб, вақтни чўзишда давом этмоқда ва ҳақиқий музокараларга тайёр эмас.

"Путин уч кун ичида Киев ва Украинани забт этмоқчи эди. Россиянинг уч йилдан ортиқ шафқациз тажовузидан сўнг, Путиннинг режаси барбод бўлгани аниқ бўлди. У нафақат Украинани, балки Россияни ҳам ғалаба қозона олмайдиган шафқациз урушга тортди", - дея қўшимча қилди Бербок.

Брюсселдаги НАТОга аъзо давлатлар ташқи ишлар вазирларининг навбатдаги йиғилишида Бербок америкаликларни “Путиннинг кечикишлари қабул қилинишига йўл қўймаслик керак” деб огоҳлантирмоқчи. Унинг сўзларига кўра, Германияда ҳукумат алмашганидан кейин ҳам Украинани қўллаб-қувватлаш “ҳал қилувчи ва кенг тарқалган” бўлиб қолади.