Телеканалнинг манбаларига таяниб хабар беришича, Дмитриев АҚШ президентининг махсус вакили Стив Уиткофф билан учрашув ўтказади.
"Улар Украинадаги урушни тугатиш йўлидаги ҳаракатлар доирасида икки давлат ўртасидаги муносабатларни мустаҳкамлаш бўйича музокаралар олиб боради. АҚШ Давлат департаменти Дмитриевга виза бериши учун унга қўйилган санкцияларни вақтинча бекор қилади", дейилади CNN хабарида.
Кирилл Дмитриев Қўшма Штатларга бориши мумкинлигини тасдиқлади.
"АҚШ ва Россия ўртасидаги мулоқотга қаршилик қилишга чуқур илдиз отган манфаатлар ва эски қарашлар сабаб бўлмоқда. Лекин муносабатларни яхшилаш айнан глобал хавфсизлик ва тинчлик учун керакли йўл бўлса-чи?", — деб ёзди Россия президентининг махсус вакили Х ижтимоий тармоғидаги саҳифасида.
Бу 2022 йилда Украинага кенг кўламли босқин бошланганидан бери Россиянинг юқори мартабали расмийсининг Вашингтонга амалга ошираётган илк ташрифи бўлади. Мазкур ташриф Қўшма Штатлар ва Россия ўртасидаги муносабатларнинг сезиларли даражада илиқлашиши йўлидаги яна бир қадам сифатида баҳоланмоқда.
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
Эндиликда 11,25 млн сўмдан юқори пул ўтказмалари қатъий назоратда бўлади
