АҚШ президенти Жо Байден россиялик ҳамкасби Владимир Путин Совуқ уруш ҳақида ўйлайди деб ўйламайди. Унинг фикрига кўра, Россия президенти иккала давлатга ҳам ядровий уруш керак эмаслигини тушунади. Бу ҳақда у Женевадаги саммит якунлари бўйича ўтказилган матбуот анжуманида айтиб ўтди.
Саммит якунлари бўйича Россия ва АҚШ президентлари стратегик барқарорлик тўғрисида қўшма баёнот қабул қилдилар. Россия давлати раҳбари бу саволни америкалик ҳамкасби билан учрашувнинг асосий сабабларидан бири деб атади.