Россия президенти Владимир Путин Хитой раҳбари Си Цзиньпин таклифига биноан 16-17 май кунлари давлат ташрифи билан Хитойда бўлади. Бу ҳақда Кремль матбуот хизмати хабар берди.
«Хитой раиси Си Цзиньпиннинг таклифига биноан Россия Федерацияси президенти Владимир Путин 2024 йилнинг 16-17 май кунлари давлат ташрифи билан Хитой Халқ Республикасида бўлади», — дейилади хабарда.
Таъкидланишича, бу Путиннинг лавозимга киришганидан кейинги биринчи хорижий сафари ҳисобланади.