Журналистлар президент ташрифи олдидан шаҳардаги ёнилғи қуйиш шохобчаларининг аксариятида бензин пайдо бўлганини аниқлади.
Россия президенти Владимир Путин келган куни Нижний Новгородда Волга ва Ока дарёлари бўйлаб кемалар қатновига, шунингдек, бир нечта кўчаларда тўхташга тақиқ жорий этилди.
NewsNN нашри журналистлари шаҳар бўйлаб айланиб чиқиб, аксарият ёнилғи қуйиш шохобчаларда бензин борлигига амин бўлишди. Бир ҳафта олдин, Россияда ёнилғи инқирозининг иккинчи тўлқини авж олган бир пайтда, Нижний Новгороднинг кўплаб ёнилғи қуйиш шохобчаларида бензин йўқ, бошқаларида эса узоқ навбатлар юзага келган эди.
Путиннинг ҳудудлар бўйлаб аввалги сафари чоғида, жумладан, Красноярскда бензин нархида кескин ўзгаришлар кузатилганди. Президент ташрифидан бир кун олдин ушбу ўлкадаги айрим шохобчаларда бензин нархи 24 рублга арзонлашган, сўнгра у кетганидан кейин аввалги ҳолатига қайтганди.
Нижний Новгородда Путин “Янги давр учун кучли ғоялар” форумида нутқ сўзлаши режалаштирилган. Мазкур форум президентнинг иш режаси сабабли 24–25 августдан 27–28 августга кўчирилган.
Ҳиндистонда тўрт қўл ва тўрт оёқли чақалоқ туғилди (фото)
"Бу босиб олинган ҳудуд эмас. Бу бизнинг еримиз..."
Киевнинг бир неча ойи қолди
