Россия етакчиси Владимир Путин Қирғизистон Президенти Садир Жапаровни “Шон-шараф” ордени билан тақдирлаш ҳақидаги фармонни имзолади. Ҳужжат расмий ҳуқуқий ахборот порталида эълон қилинди.
Фармонда қайд этилишича , Қирғизистон раҳбари Россия билан стратегик шериклик ва иттифоқчилик муносабатларини мустаҳкамлашга, шунингдек, Евроосиё маконида интеграция жараёнларини ривожлантиришга қўшган ҳиссаси учун ушбу орден билан тақдирланган.