Путин дастлаб Нуризодани Хорватияга юборди

Россия президенти Владимир Путин Александр Нуризодани Хорватияга элчи этиб тайинлади.

Бу Путин инаугурациядан кейин имзолаган биринчи ҳужжатлардан биридир.

Путин бошқа фармон билан Андрей Нестеренкони Хорватиядаги элчи лавозимидан озод қилди.

Александр Нуризода 1959 йил 14 февралда туғилган. 2003 йилдан 2008 йилгача, сўнгра 2013 йилдан 2020 йилгача у Россиянинг Миландаги бош консули бўлган. Нуризода 2021-2024 йилларда Хориждаги ватандошлар билан ишлаш департаменти директори лавозимида ишлаган.