Португалия терма жамоасининг ижтимоий тармоқлардаги аккаунти Криштиану Роналду билан боғлиқ можародан кейин икки миллиондан ортиқ обуначини йўқотди. Бор-йўғи бир неча кун ичида миллий жамоанинг доимий аудиторияси 25 миллиондан 22,9 миллионга камайди.
Эслатиб ўтамиз, воқеалар Португалиянинг Миллатлар лигасида Норвегияга қарши дастлабки ўйини олдидан бошланган эди. Роналду таркибга киритилмаган, аммо терма жамоа бош мураббийи Жорже Жезуш шу сабабли футболчи билан муносабатларда қандайдир муаммо борлигини рад этган.
Данияга қарши ўйин арафасида Жезуш Роналду катта эҳтимол билан яна захирада қолишини айтди. Шундан сўнг Криштиану буюмларини йиғиб, хусусий самолётда Мадридга учиб кетди. Жезуш ва Португалия футбол федерацияси раҳбари Педру Проэнса уни аэропортда тўхтатишга уринган, аммо футболчи улар билан гаплашмаган.
Роналду Португалия терма жамоасидаги фаолияти якунланганини эълон қилди. Бироқ федерацияда ўз рамзини яна жамоага қайтариш умидини йўқотишмаган. ОАВ маълумотига кўра, келаси ҳафта Жезуш ва Криштиану ўртасида учрашув режалаштирилган.
Роналду ва Жезуш можароси аэропортда жанжалга айланди
Португалия терма жамоаси Роналду кетганидан сўнг расмий баёнот берди
Аичи-Нагоя-2026, бокс. Финалга қайси мамлакатдан неча нафар спортчи чиқди?
