Польшалик депутат интервьюга мина билан келди

Европа Парламентининг мухолифатдаги "Ҳуқуқ ва адолат" (Польша) партиясидан бўлган депутати Михал Дворчик "Wirtualna Polska" интернет порталига берган интервьюсига Украинада ишлаб чиқарилган ўқув-машғулот пиёдаларга қарши минасини олиб келди. Бу ҳақда хорижий ОАВга таяниб хабар берилмоқда.

Сиёсатчининг сўзларига кўра, у бу ишни 20 февраль куни Польша пиёдаларга қарши миналардан фойдаланиш, ишлаб чиқариш ва сақлашни тақиқловчи Оттава конвенциясидан расман чиқишини эслатиш учун қилган.

Польша Оттава конвенциясидан чиқиш ниятини 2025 йилнинг мартида Болтиқбўйи мамлакатлари ва Финляндия билан биргаликда эълон қилган эди. Ўша йилнинг июль ойида эса Польшанинг ўша пайтдаги президенти Анджей Дуда парламент томонидан қабул қилинган мамлакатнинг конвенциядан чиқиши ҳақидаги қонунни имзолаган.

"Шу жума куни Польшанинг пиёдаларга қарши миналардан фойдаланишни тақиқловчи Оттава конвенциясидан чиқиши кучга киради. Польша Болтиқбўйи давлатлари ва Финляндия каби ушбу келишувдан чиқди", — деди Дворчик.