Полша Трамп АҚШда ҳокимият тепасига келиши муносабати билан Украинага ёрдам бериш учун Европада иттифоқ тузмоқчи

Тhe Times нашри бу ҳақда Полша бош вазири Доналд Тускнинг баёнотларига таяниб ёзмоқда.

"Биз геосиёсий ва трансатлантик ҳолат, шунингдек, Украинадаги вазият бўйича ўхшаш қарашларга эга бўлган давлатлар билан ҳамкорликни фаол равишда мувофиқлаштирамиз. Ҳеч ким можаронинг кучайишини хоҳламайди. Шу билан бирга, ҳеч ким Украинанинг заифлашишини ёки ҳатто таслим бўлишини хоҳламайди. Полша манфаатлари учун ҳам таҳдид ҳисобланади", — дея изоҳ берди Туск.

Қайд этилишича, ушбу иттифоқ Буюк Британия, Шимолий ва Болтиқбўйи мамлакатларини ўз ичига олиши мумкин.