Песков: Инсоният тарихида бундан ҳам оғирроқ даврлар бўлган

Дунёдаги ҳозирги вазият "охирзамон" туйғусини келтириб чиқариши мумкин, бироқ инсоният илгари бундан ҳам жиддийроқ қийинчиликларга дуч келган, деб баёнот берди Россия президенти матбуот котиби Дмитрий Песков.

Бу ҳақда у "Вести" ахборот тизими мухбири Павел Зарубинга берган шарҳида айтиб ўтди.

"Инсоният тарихида нималар бўлмаган дейсиз, шунчаки биз сиз билан у пайтларда яшамаганмиз ва бизга ҳозир "охирзамон" бўлаётгандек туюляпти", — деб қайд этди Песков Яқин Шарқнинг "сезиларли даражада беқарорлашганига" эътибор қаратар экан.