Пентагон: "АҚШ Киевга кўрсатган ёрдами эвазига ўзининг мудофаа саноати базасини қурмоқда"

Қўшма Штатлар Украинага ёрдам бериш учун маблағлар ҳисобидан мудофаа саноати базасини кенгайтирмоқда.

Бу ҳақда АҚШ мудофаа вазирининг сотиб олиш ва логистика бўйича ўринбосари Билл Лаплант баёнот берди.

“Ажратилган қўшимча маблағлар ҳисобидан саноат базасини тиклашни қанчалик жадал бошлаганимизга эътибор қаратмасдан иложим йўқ. Ҳозир бутун мамлакат бўйлаб заводлар пайдо бўлмоқда... Украина учун қўшимча маблағ олишга муваффақ бўлганимиз туфайли”, — дея унинг сўзларини келтиради ТАСС.