Ўзбекистоннинг бугунги кундаги энг кучли ўнг қанот ҳимоячиларидан бири Ҳожиакбар Алижонов навбатдаги икки мавсумда ҳам "Пахтакор" шарафини ҳимоя қилади.
Алижонов янгидан қуриладиган "Шерлар"нинг муҳим ижрочиси ҳисобланади ва футболчи билан бўлиб ўтган музокаралар ижобий якунига етди.
Шартноманинг узайтирилиши ҳақида ҳимоячининг ўзи шундай деди:
- "Пахтакор" билан мен 5 марта Ўзбекистон чемпиони бўлдим. Кейинги йилларда ҳам жамоа мени ўз сафида кўришни истагани қувонтирди. Янги мураббий билан, нафақат "Пахтакор", балки Ўзбекистон миллий терма жамоасига ҳам фойда келтирадиган ҳолатда мавсумни ўтказаман деб ўйлайман. Олдимизда Чемпионлар Лигасининг иккита ўйини бор ва бизда ҳали гуруҳдан чиқиш учун имконият сақланиб қолинган. Энди бор эътиборни февраль ойида бўлиб ўтадиган иккита муҳим баҳсга қаратамиз. Мени қўллаб-қувватлаб турган барчага раҳмат, мен Сизлар билан!
«Энди жуда қийин бўлади»: Килиан Мбаппе Лионел Месси тажрибасидан сўнг Криштиану Роналду билан ўйнай олмаганидан афсусдалигини айтди
Ўзбекистон терма жамоаси аъзоси фаолиятини юртимизда давом эттиради
Россияликлар "Ҳумо арена" бўйича шикоят қилишди
