Пашинян: "Озарбайжон билан тинчлик ўрнатишдан бош тортиш Арманистон хавфсизлигига ҳалокатли таҳдиддир"

Арманистон Бош вазири Никол Пашинян Арманистон ва Озарбайжон ўртасида тинчликка эришиш янги уруш эшигини тубдан ёпиш демакдир, деб таъкидлади.

Бу ҳақда Пашянин ўзининг Facebook ижтимоий тармоқдаги саҳифасида айтиб ўтди.

Арманистон ҳукумати раҳбарининг сўзларига кўра, ҳозирги тинчлик кун тартибидан воз кечиш аслида қарама-қаршилик мантиғига қайтишни англатади.

"Кочарян, Карапетян ва Царукян бошчилигидаги кучлар Арманистон ва Озарбайжон ўртасидаги тинчлик шартномасини қайта кўриб чиқиш тарафдори эканлиги аниқ. Бугунги кунда айнан шу кучлар кескинлашув эшигини очишга ҳаракат қилмоқда ва бу, шубҳасиз, Арманистон Республикаси хавфсизлигига ҳалокатли таҳдид солади.

Энг оптимистик сценарийни ҳам ҳисобга олсак, тинчлик шартномасини қайта кўриб чиқиш музокаралар жараёнида охир-оқибат келишилган барча таркибни ўзгартириш имкониятини яратади. Назарий жиҳатдан, бу таркиб ҳам яхши, ҳам ёмон томонга ўзгариши мумкин. Бироқ, бутун тузилма шунчаки қулаши эҳтимоли анча юқори", деб таъкидлади Пашинян.