Қўшма Штатлар Молия вазирлиги Россия нефти ва нефт маҳсулотларини етказиб бериш билан боғлиқ амалиётлар учун янги лицензия чиқарди. У 12 март куни берилган ҳужжат ўрнини эгаллайди. Аввалги ҳужжат 11 апрелгача амал қилиши белгиланган ва 12 мартгача кемаларга юкланган Россия нефти ҳамда нефт маҳсулотларини етказиб беришга рухсат берган эди.
Янги лицензияга Куба, Эрон, Шимолий Корея ва Украинанинг аннекция қилинган ҳудудлари иштирок этадиган битимларни тақиқловчи банд қўшилган.
Россия нефтини етказиб бериш шартларининг ўзгариши 4 апрел куни Кубага 700 минг баррелдан ортиқ нефт олиб келаётган “Анатолий Колодкин” номли Россия кемаси етиб келиши кутилаётгани ҳақидаги хабарлардан кўп ўтмай юз берди.
Бундан ташқари, 23 март куни Ҳонконг байроғи остида сузаётган Sea Horse кемаси ҳам Кубага етиб келиши кутилаётганди. Ушбу кемада тахминан 27 минг тонна Россия суюлтирилган гази борлиги тахмин қилинаётганди.
Эрон мусулмон давлатларига чақириқ билан чиқди
Эронда 19 ёшли спортчи дорга осиб қатл этилди
Грузияда мотам куни эълон қилинди
