17-19 май кунлари Ветнамнинг Дананг шаҳрида ўтказилган Осиё очиқ чемпионатида 7 та медал қўлга киритиб, 30 га яқин мамлакат орасида умумжамоа ҳисобида 2-ўринни эгаллаган пара таеквондо бўйича миллий терма жамоамиз аъзолари бугун юртимизга қайтиб келишди.
Матонатли пара спортчиларимиз Тошкент халқаро аеропортида Ўзбекистон Миллий паралимпия қўмитаси раҳбарияти, оммавий ахборот воситалари ходимлари ҳамда оила аъзолари томонидан тантанали кутиб олинди.