Виктор Орбан Европа Иттифоқи номидан Россия билан мулоқот қилиш ҳуқуқига эга эмас — Европа Кенгаши раҳбари Шарл Мишел.
Аввалроқ бир қанча оммавий ахборот воситалари Венгрия бош вазири Виктор Орбан 5 июл куни Москвага бориши ҳақида хабар берган эди.
"Венгриянинг Европа Иттифоқига раислик қилиши Виктор Орбаннинг Россия билан ЕИ номидан мулоқот олиб бориш ваколатига эга эканлигини билдирмайди. Европа Kенгашининг позицияси аниқ: Россия тажовузкор давлат, Украина эса агрессия қурбони. Украина бўйича ҳеч бир муҳокама Киевнинг иштирокисиз ўтказилмайди", — деб ёзди Шарл Мишел Х ижтимоий тармоғидаги саҳифасида.