Олти нафар россиялик жосус Польшада қўлга олинди

Польшада Ички хавфсизлик агентлиги ходимлари олти кишини Россия фойдасига жосуслик қилганликда гумон қилиб қўлга олди, деб хабар берди Польшанинг RMF FM радиостанцияси 15 март, чоршанба куни. Ҳибсга олинганлар ҳақидаги маълумот кейинчалик Полша ҳукумати вакиллари томонидан тасдиқланди.

Радиостанция маълумотларига кўра, қўлга олинганларнинг барчаси «шарқий чегарадан келган хорижликлар» бўлиб, Россия махсус хизматларида ишлаган. Муҳим темирйўл кесишмаларида поездлар ҳаракатини ёзиб олган ва маълумотларни интернетга узатган яширин камералар аниқлангач, гумондорлар қўлга олинди.