Олий суд АҚШда ТикТокни тақиқлаш қонунини маъқуллади

АҚШ Олий суди TikTok ижтимоий тармоғи Хитойнинг ByteDance компанияси тасарруфидан чиқарилмаса, уни мамлакатда тақиқлашга имкон берувчи қонунни бекор қилишни рад этди. Бу ҳақда CNN хабар бермоқда.

Қонун 19 январда - АҚШнинг янги сайланган президенти Доналд Трамп инаугурациясидан бир кун олдин кучга кириши кутилмоқда. Телеканал таъкидлашича, ҳужжат тармоғни зудлик билан тўлиқ блоклашни назарда тутмайди.

Қонун АҚШ Конгресси Вакиллар палатаси томонидан 2024 йилнинг баҳорида қабул қилинган. Конгрессменлар TikTok миллий хавфсизликка таҳдид солади, деб ҳисобладилар, чунки Хитой ҳукумати ByteDance компаниясини америкалик фойдаланувчиларнинг маълумотларини унга беришга мажбур қилиши мумкин эди. Апрель ойида ҳужжатни АҚШ президенти Жо Байден имзолади.

TikTok вакиллари фойдаланувчилар ва контент яратувчилар билан биргаликда бу қонунни судда низолашди. Уларнинг айтишича, миллий хавфсизликка оид хавотирлар ноаниқ ва тахминий маълумотларга асосланган бўлиб, бу тақиқ АҚШ Конституциясининг сўз эркинлигини кафолатловчи биринчи тузатишини бузади.