Олимлар мия тузилиши ва сиёсий эътиқодлар ўртасидаги боғлиқликни тасдиқладилар

Консерватив сайловчилар, ўртача, либерал сайловчиларга қараганда бир оз каттароқ амигдалага эга.

Тадқиқот натижалари Iscience журналида чоп этилган бир гуруҳ олимлар шундай хулосага келган.

Нашр муаллифларининг таъкидлашича, бу мия ҳудудининг катталиги консерваторларнинг хавфсизликка бўлган эҳтиёжини тушунтириши мумкин.

Олимлар Нидерландиядан 19-26 ёшли 928 кишининг МРТ-тасвирларини таҳлил қилишди. Улар консерватизм ва либерализмга мойилликларини, жумладан, ижтимоий-иқтисодий масалалар, аёллар ҳуқуқлари, даромадлар тенгсизлиги ва даромадларни қайта тақсимлаш бўйича позицияларини баҳоладилар.

Таҳлил шуни кўрсатдики, консерватизм даражаси амигдаладаги кулранг модданинг ҳажми билан боғлиқ. У таҳдидни идрок этишни назорат қилади, бу эса консерваторларнинг потенциал хавфларга нисбатан сезгирлигини тушунтиради. Эҳтимол, улар юқори даражадаги хавфсизликка муҳтож.

Олимлар ўзларининг ишларини "сиёсий неврология контекстида олдиндан рўйхатдан ўтган энг йирик репликация тадқиқоти" деб аташган.

Иш 2011 йилги тадқиқот маълумотларини текшириш учун олиб борилди. Ўшанда олимлар биринчи марта мия тузилиши ва сиёсий эътиқодлар ўртасидаги боғлиқликни аниқладилар. Янги иш муаллифлари улар кашф этган фарқларнинг таъсири дастлабки тадқиқотдагидан уч баравар кам бўлганини таъкидладилар.