Олимлар илк бор оғир касал боланинг ДНКсини таҳрирлади

АҚШ олимлари кўпинча болалар учун ўлимга олиб келадиган камёб касалликка чалинган чақалоқнинг ДНКсини таҳрирлашга эришди.

Кей Жей 2024 йил август ойида камёб генетик мутация билан дунёга келди — унинг жигари аммиакни чиқара олмасди.

Бундай касалликка чалинган беморлар учун одатий даволаш усули жигар трансплантациясини ўз ичига олади. Бироқ, боланинг ҳаётини сақлаб қолиш учун олимлар тажрибавий дори-дармонни қўлладилар ва ДНК мутациясини аниқ тузатишга муваффақ бўлдилар.