Шароф Рашидов номидаги Самарқанд давлат университетида вилоятдаги фермерлар учун семинар ўтказилди.
Вилоятнинг турли ҳудудларидан келган фермер хўжаликлари раҳбарлари, мутахассислар ва томорқа ер эгаларига университет қошидаги Агробиотехнологиялар ва озиқ-овқат хавфсизлиги институти профессор-ўқитувчилари баҳорги мавсумда амалга оширилиши зарур бўлган агротехник тадбирлар юзасидан тавсиялар берди.
Жумладан, ерни экин экишга тайёрлаш, экинларни дастлабки парваришлаш, сабзавотчилик ва боғдорчиликдаги муҳим тадбирлар, ўсимликлар касаллик ва зараркунандаларига қарши курашиш бўйича амалга оширилиши лозим бўлган ишлар тўғрисида амалий тавсиялар берилди.
Семинарнинг амалий аҳамиятини ошириш ва фермерларни замонавий қишлоқ хўжалиги технологиялари билан таништириш мақсадида маҳаллий ва хорижий корхоналарнинг маҳсулотлари кўргазмаси ташкил этилди. Кўргазмада вилоятдаги бир қатор қишлоқ хўжалик корхоналари ўз маҳсулотлари билан иштирок этди.
Академик Маҳмуд Мирзаев номидаги Боғдорчилик, узумчилик ва виночилик илмий-тадқиқот институти Самарқанд таянч пункти олим ва мутахассислари мевали дарахтларнинг янги навлари ва уларни парваришлаш юзасидан фермерларга маслаҳатлар берди.
Огоҳ бўлинг: Тошкентда ўзини ҳайвонга қиёсловчи квадроберлар пайдо бўлди
Самарқандлик фуқаро пул эвазига Украинага қарши урушда қатнашгани маълум бўлди
Тошкентда икки нафар блогерлар қамалди
