Оқ уй ATACMS узоқ масофали ракеталарини Украинага етказиш эҳтимоли бўйича нодавлат муҳокамаларни олиб бормоқда, деб ёзади New York Times икки АҚШ ва бир Европа расмийсига таяниб.
Нашрнинг анонимлик шарти билан гапирган суҳбатдошларига кўра, бу хавфсизликнинг бошқа таҳдидларига жавоб бериш учун ажратилган бир нечта “ер-ер” тоифасидаги бошқариладиган ракеталарни етказиб бериш бўлиши мумкин.
Май ойида Буюк Британия Украинага "Storm Shadow" узоқ масофали қанотли ракеталарини жўнатди, Франция эса Вилнюсдаги НАТО саммитида бир хил SCALP ҳаводан учириладиган ракеталарни етказиб беришга ваъда берди.
Киев узоқ вақтдан бери ATACMS ракеталарини сўраб келади, чунки улар 300 км га яқин масофани босиб ўта олади.
Пентагон расмийларининг айтишича, АҚШнинг ATACMS арсенали нисбатан кичик ва ракеталар Пентагоннинг бошқа ҳарбий режаларида, жумладан Корея яриморолида ҳам қўлланилган.
1980 йилларда ракета ишлаб чиқила бошланганидан буён атиги 4000 дона ишлаб чиқарилган, деди сешанба куни Lockheed Martin вакили.
