Нигерда умумий сафарбарлик эълон қилинди

Нигер ҳарбий ҳукумати жиҳодчи гуруҳларга қарши кураш доирасида умумий сафарбарлик ва ресурсларни мажбурий жалб этиш чораларини жорий этди. Бу ҳақда ҳукумат баёнотида маълум қилинди.

Қарорга кўра, фуқаролар миллий мудофаа эҳтиёжлари учун чақирув буйруқларига бўйсуниши шарт. Ҳарбий ҳукумат 2023 йил июль ойидаги давлат тўнтаришидан бери мамлакатда жиҳодчи ҳужумлар кескин кучайгани шароитида хавфсизликни таъминлашни асосий устувор вазифа деб атади.