Нидерландия Хавфсизлик хизмати Гаагадаги Халқаро жиноий судга ишга киришга уринган россиялик жосусни фош қилганини даъво қилмоқда.
Ташкилот раҳбари Эрик Акербумнинг сўзларига кўра, ўзини бразилиялик сифатида кўрсатган россиялик фош бўлишидан олдин аллақачон стажёр сифатида ишга олинган.
Хавфсизлик хизмати қўлга олинган шахсни Сергей Черкасов деб ҳисобламоқда, бироқ бу ҳақиқий исмми ёки йўқлиги аниқ эмас.