Нидерландия Бош вазири Гаагадаги намойишчиларни полицияга қарши зўравонликда айблади

Нидерландия Бош вазири Роб Йеттен Гаага марказидаги Маливелд майдонидаги намойишчиларни полиция билан тўқнашувларни уюштиришда ва уларга қарши зўравонлик қўллашда айблади.

Бош вазир бу ҳақда ўзининг ижтимоий тармоқ саҳифасида ёзди.

"Бугун Маливелдда намойишчилар атайлаб полиция билан тўқнашувга интилишди. Ҳуқуқни муҳофаза қилиш органлари ходимларига қарши зўравонлик қўлланилди, жирканч ўнг қанот ва антисемит шиорлар янгради ва нацистлар саломи берилди", деб ёзган Йеттен.

Бош вазир тартибсизликлар пайтида полиция ва шаҳар ҳокимиятига уларнинг ҳаракатлари учун миннатдорчилик билдирди.

"Биз қонун устуворлигимиз ҳимоясида қатъий турибмиз ва намойиш қилиш ҳуқуқининг суиистеъмол қилинишига йўл қўймаймиз", деб таъкидлади Йеттен.