АҚШ президенти Жо Байденни синчковлик билан когнитив ва неврологик текширувдан ўтказиш ва натижаларини эълон қилиш вақти келди, деб ҳисоблайди CNN'нинг экспертларидан бири бўлган нейрохирург Санжай Гупта.
Гупта Байденни мия ишига ихтисослашган одам сифатида кузатиш унга қизиқ бўлганини таъкидлади. Жарроҳ ўзи ва ҳамкасбларининг президентга «неврологик нуқтайи назардан» эътирозлари борлигини тан олди.
«Нутқининг тутуриқсизлиги, гапларнинг ўртасида тўсатдан диққатни йўқотиб қўйиши, нутқнинг тутилиб қолиши ва юз ифодасининг йўқлиги бизни хавотирга соларди,» - деб ёзган Гупта.
Нейрожарроҳга мурожаат қилган шифокорлар «президентга когнитив ва ҳаракат бузилишларини аниқлаш учун батафсил тестдан ўтишни таклиф қилиш керак,» деган ягона фикрга келишди, деди у.
«Бу натижалар жамоатчиликка очиқ бўлиши керак,» - деди у.