Нетаньяху: "Мен Трампга Эрон борасида шубҳам бор эканлигини билдирдим"

Исроил Эрон билан ядровий дастури бўйича ҳар қандай келишувнинг ҳаётийлигига шубҳа қилмоқда.

Исроил Бош вазири Беньямин Нетаняху Вашингтонда АҚШ президенти Дональд Трамп билан музокаралардан сўнг Исроилга қайтгач, аэропортда журналистларга шундай деди.

"Дональд Трамп менинг фикримни эшитишни хоҳлади. Мен Эрон билан ҳар қандай келишувнинг мазмунига умумий шубҳа билдирдим", деди у.

Шунга қарамай, бош вазирнинг сўзларига кўра, агар Эрон-Америка музокаралари натижасида келишувга эришилса, Тель-Авивнинг манфаатлари ҳам ҳисобга олиниши керак.

Нетаньяху ҳар қандай келишув ядровий муаммони ҳал қилиш билан чекланиб қолмаслиги, балки Исроил учун муҳим бўлган бошқа масалаларни, масалан, Эроннинг прокси кучлари ва баллистик ракета ишлаб чиқаришни ҳам ўз ичига олиши кераклигини таъкидлади.

Нетаньяху Трамп билан Ғазо тинчлик режасини амалга ошириш масаласини ҳам муҳокама қилганини айтди.