Netanyaxu: "Men Trampga Eron borasida shubham bor ekanligini bildirdim"

Isroil Eron bilan yadroviy dasturi bo‘yicha har qanday kelishuvning hayotiyligiga shubha qilmoqda.

Isroil Bosh vaziri Benyamin Netanyaxu Vashingtonda AQSh prezidenti Donald Tramp bilan muzokaralardan so‘ng Isroilga qaytgach, aeroportda jurnalistlarga shunday dedi.

"Donald Tramp mening fikrimni eshitishni xohladi. Men Eron bilan har qanday kelishuvning mazmuniga umumiy shubha bildirdim", dedi u.

Shunga qaramay, bosh vazirning so‘zlariga ko‘ra, agar Eron-Amerika muzokaralari natijasida kelishuvga erishilsa, Tel-Avivning manfaatlari ham hisobga olinishi kerak.

Netanyaxu har qanday kelishuv yadroviy muammoni hal qilish bilan cheklanib qolmasligi, balki Isroil uchun muhim bo‘lgan boshqa masalalarni, masalan, Eronning proksi kuchlari va ballistik raketa ishlab chiqarishni ham o‘z ichiga olishi kerakligini ta’kidladi.

Netanyaxu Tramp bilan G‘azo tinchlik rejasini amalga oshirish masalasini ham muhokama qilganini aytdi.