НАТО саммити ўтаётган Вилнюсда янги ташкил этилган НАТО-Украина кенгашининг биринчи йиғилиши бошланди.
НАТО етакчиларининг тушунтиришича, илгари мавжуд бўлган НАТО-Украина комиссияси ўрнига ушбу кенгашнинг ташкил этилиши муносабатлар даражасини ошириш ва келажакда Украинани иттифоққа қабул қилиш йўлидаги қадамлардан бири ҳисобланади.
Кенгашда, НАТО вакиллари тушунтирганидек, Украина иттифоқчилар билан тенг даражада ўтиради ва керак бўлса, уни ўзи чақириши мумкин.
“Кенгаш йиғилиши бир неча дақиқадан сўнг бошланади. [...] Украина ва иттифоқчилар тенг ҳуқуқли ўтиришади. [...] Бугун биз тенг ҳуқуқли ҳамкорлар сифатида учрашамиз ва иттифоқчилар сифатида учрашадиган кунни интиқлик билан кутамиз”, деди НАТО Бош котиби Йенс Столтенберг Украина президенти Владимир Зеленский билан қўшма матбуот анжуманида.
