НАТО Шимолий Корея қўшинлари Россия Федерациясига ўтказилганини тасдиқлади.
"Агар бу қўшинлар Украинада жанг қилиш учун юборилган бўлса, бу Шимолий Кореянинг Россиянинг ноқонуний урушини қўллаб-қувватлаши сезиларли даражада кучайганини англатади, бошқа томондан эса бу Россиянинг олдинги чизиқдаги муҳим йўқотишларининг яна бир белгисидир", деди НАТО матбуот котиби Фараҳ Даҳлалла.
Унинг сўзларига кўра, альянс аъзолари маслаҳатлашувлар ўтказмоқда ва Жанубий Кореядан ҳозирги вазиятга ойдинлик киритишни кутмоқда.
Аввалроқ АҚШ Мудофаа вазири Ллойд Остин ҳам Шимолий Корея қўшинлари Россия ҳудудига жўнатилгани ҳақида далиллар борлигини маълум қилган, бироқ бундан кўзланган мақсад ҳозирча номаълум эканлигини айтганди.
