Ироқдаги НАТО миссиясида иштирок этаётган барча нидерландиялик ҳарбий хизматчилар ва фуқаролик мутахассислари мамлакатни тарк этиб, уйларига қайтмоқдалар.
Бу ҳақда Нидерландия мудофаа вазири Дилан Йешильгёз-Зегериус ўзининг ижтимоий тармоқ саҳифасида эълон қилди.
Унинг сўзларига кўра, Яқин Шарқдаги ёмонлашиб бораётган хавфсизлик вазияти фонида НАТО Ироқдаги миссиясининг форматини ўзгартиришга ва иштирокчиларини Европага кўчиришга қарор қилди.
"Шу сабабли, барча голландиялик ҳарбий ва фуқаролик мутахассислари Ироқни тарк этишди. Улар Нидерландияга қайтмоқдалар", деб ёзган вазир.
У шунингдек, миссия яқин орада Неаполдаги НАТО Қўшма кучлари қўмондонлиги базасидан чекланган форматда давом этишини таъкидлади.
Ироқдаги НАТО миссияси 2018 йил июль ойида Брюсселда бўлиб ўтган иттифоқ саммитидан сўнг ташкил этилган ва ўша йилнинг октябрь ойида Бағдодда расман фаолиятини бошлаган. Унинг ваколатига Ироқ хавфсизлик кучларига маслаҳат бериш ва уларни ўқитиш, мудофаа институтларини мустаҳкамлаш ва Ироқ ҳукуматига терроризмга қарши курашда ёрдам бериш киради.
Эронда 19 ёшли спортчи дорга осиб қатл этилди
Эрон мусулмон давлатларига чақириқ билан чиқди
Грузияда мотам куни эълон қилинди
