NATO'га аъзо етти давлат Украинанинг алянсгага киришига қарши. Бу ҳақда Politico хабар берди.
Нашрнинг ёзишича, бу ғояга қарши чиқаётган давлатларга Украинанинг энг йирик тарафдорлари бўлмиш АҚШ ва Германия етакчилик қилмоқда. Вашингтон ва Берлин Москва билан тўғридан-тўғри уруш олиб боришдан хавфсирамоқда.
Бундан ташқари, Словакия ва Венгрия ҳам Украинанинг NATO'га қўшилишига қарши, бунга ушбу икки давлат ҳукуматларининг россияпарастлиги сабаб ҳисобланади.
"Шунингдек, Испания, Бельгия ва Словения Киевнинг алянсга аъзо бўлишини қўллаб-қувватламаяпти. Ушбу давлатлар буни АҚШ ва Германия ортига яширинган ҳолда билдиришмоқда", — дея маълум қилди NATO расмийларидан бири.