2025 йил 7 октябрь куни Наманган вилоятининг Чуст туманида жиноий воқеа содир бўлди — Ахча қишлоғида яшовчи эркак ўз турмуш ўртоғини ваҳшийларча ўлдирди. Воқеа оқибатида 5 ва 6 ёшли икки бола онасиз қолди.
Маълумотларга кўра, ўша куни соат 10:00 да суд қарори асосида Мажбурий ижро бюроси ҳамда тегишли бешта ташкилот вакиллари аёл — Б.М.ни болалари билан уйга киритиш жараёнини амалга оширган. Ташрифдан сўнг улар уйдан чиқиб кетган.
Бироқ ташкилотчилар кетганидан кейин уйда фақат аёл ва унинг турмуш ўртоғи — Р. қолган. Айнан шу пайтда оилавий жанжал келиб чиққан. Эркак фарзандлари кўз ўнгида аёлини аввал дўппослаб, кейин эса бўғиб қўйган. У содир этган ишларидан сўнг тез тиббий ёрдам хизматига қўнғироқ қилган.
Таъкидланишича, 2 октябрь куни ҳам аёлни уйга киритиш белгиланган эди. Бироқ ўша пайтда уй эгалари ҳозир бўлмагани сабабли уй эшиклари қулфланган ва иш амалга оширилмаган. Шунга қарамай, марҳумада калит бўлгани учун у уйга кирган, аммо ташкилотчилар унинг ёлғизлигини инобатга олиб киритишни кейинга қолдиришни таклиф қилган. Аёл эса “яшашга жойим йўқ” деб, уйга киришдан бош тортмаган.
Аввалроқ, аёл турмуш ўртоғи томонидан тан жароҳатлари олгани ҳақида 102 рақамига мурожаат қилгани ҳам хабар қилинган.
Тошкент шаҳри ҳавоси ифлосланишининг сабаби маълум бўлди
Дунёда энг кам ва энг кўп туғилиш қаерда?
«Жаҳаннам Нажоти» Туркияда қўлга олинди
