Наманган вилоятида 45 миллион сўм қалбаки пулларни 18 миллион сўмга сотаётган шахс ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Қайд этилишича, Департаментнинг Чортоқ тумани бўлими ва бошқа ҳуқуқни муҳофаза қилувчи орган ходимлари ҳамкорлигида тезкор тадбир ўтказилган. Унда фуқаро Б.С. 100 ва 200 минг сўмлик купюрадаги жами 45 млн сўм қалбаки пулларни фуқаро М.Х.га 18 млн сўмга сотган вақтида ашёвий далиллар билан ушланган.
Маълум бўлишича, ушбу шахс аввал ҳам шу каби жиноятни содир этгани учун судланган бўлган.
Ҳозирда мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
Хитой АҚШни огоҳлантирди
«Мен Эронни бир кунда, ҳатто бир соатда йўқ қилиб юборишим мумкин эди, лекин хоҳламайман», — Трамп
Уганда президентининг ўғли Туркиядан 1 млрд доллар ва “мамлакатнинг энг гўзал аёли”ни беришни талаб қилди
