17 февраль куни Мюнхенда Озарбайжон Республикаси Президенти Илҳом Алиев ва Арманистон Республикаси Бош вазири Никол Пашиняннинг икки томонлама учрашуви бўлиб ўтди.
Озарбайжон президентининг расмий сайти хабарига кўра, учрашувда икки давлат ўртасида тинчлик шартномаси бўйича музокаралар, муносабатларни нормаллаштириш, чегараларни делимитация қилиш масалалари муҳокама қилинган.
Ташқи ишлар вазирликларига яқин вақт ичида тинчлик шартномаси бўйича йиғилиш ва чегараларни делимитация қилиш бўйича комиссия йиғилишини ўтказиш топширилди.
CОP29 билан боғлиқ ўзаро келишувлар ва икки мамлакат ўртасидаги эришилган ютуқлар ижобий баҳоланди.
