Мухолифат партияси раҳбари Озғур Озелга қилинган ҳужумнинг янги лавҳалари эълон қилинди

Ҳужумчи 1959 йилда Газиантепда туғилган Селчук Тенгиоғлу экан. У авваллари икки фарзандини ўлдирганлик ва ўғирлик учун судланган.

Тенгиоғлу умрбод қамоқ жазосига ҳукм қилинган, бироқ 16 йил қамоқда ўтиргач, муддатидан олдин шартли озод этилган. Ҳозирда у ушланиб, ҳуқуқ-тартибот органлари томонидан сўроқ қилинмоқда.

Гувоҳларнинг айтишича, у Озелни "Мен буюк усмонийлар авлодиданман!" деган сўзлар билан урган.

Эрдўғон аллақачон жабрланувчи Озғур Озелга қўнғироқ қилиб, ҳамдардлик ва қўллаб-қувватлашини билдирган.