Мадриднинг «Реал» клуби португалиялик мутахассис Жозе Моуриньо билан меҳнат шартномаси имзолаш бўйича келишувга эришди. Бу ҳақда инсайдер Николо Скира ўзининг ижтимоий тармоқлари орқали хабар бермоқда.
Журналистга маълум бўлишича, «The Special One» лақабли мураббийнинг Испания гранди билан тузадиган шартномаси 2028 йилнинг ўрталарига қадар мўлжалланади. Мадридликлар Моуриньонинг «Бенфика»дан муддатидан олдин кетиши учун «бургутлар»га 7 миллион евро товон пули тўлашади.
Эслатиб ўтамиз, Жозе аввал ҳам «қироллик клуби»да фаолият юритган. Португалиялик мутахассис 2010 йилдан 2013 йилгача «Реал»ни бошқарган. Унинг қўл остида Мадрид жамоаси Испания чемпионатида зафар қучган, шунингдек, мамлакат Кубоги ва Суперкубоги соҳибига айланган эди.
«Реал» ичидаги «сотқин» топилди
Роналду шокда! “Ан-Наср” дарвозабони ўзига гол уриб, чемпионликни ортга сурди
«Реал» Винисиус, Мбаппе ва Беллингем борасида бир қарорга келди
