Мадриднинг «Реал» клуби бош мураббийи Жозе Моуриньо Испания чемпионатидаги дастлабки учрашувда «Эспаньол» устидан қозонилган 2:1 ҳисобидаги ғалабани таъминлаган Карлос Эспи ҳақида фикр билдирди.
21 ёшли ҳужумчи дебют учрашувида 80-дақиқада захирадан майдонга тушди ва орадан ўн дақиқа ўтиб, ҳал қилувчи голни киритди.
«Карлос — ажойиб футболчи. Гонсало Гарсиянинг «Фулхэм»га ўтиши мумкинлигини билганимизда, Хуни Калафат унинг ўрнига бир нечта номзодни таклиф қилди.
Кейин Эспининг номзодини таҳлил қилдик ва кўрганларимиз бизни ҳайратга солди. У ҳали жуда ёш. Бизга айнан шундай услубдаги футболчи керак эди.
Эспи — жуда ижобий ва хушчақчақ йигит. У ўз орзуси билан яшаяпти, шу билан бирга қаттиқ меҳнат қилмоқда ва жамоа манфаати учун бор кучини сарфлаяпти.
Албатта, унинг голи учрашув тақдирини ҳал қилди. Аммо у Мбаппега қулай узатма берган вазиятни ҳам алоҳида таъкидлаш керак», — деди Моуриньо матбуот анжуманида.
«Реал» Карлос Эспини «Леванте»дан 25 миллион евро эвазига сотиб олган.
Тошкентдаги мусобақада Исроил байроғини кўрсатгани учун исроиллик ўқувчининг олтин медали бекор қилинди
Бразилиялик афсонавий футболчи Роберто Карлос мусулмон бўлгани ҳақидаги миш-мишларга муносабат билдирди
Шавкат Раҳмонов энди октагонга умуман қайтмайди
