Madridning «Real» klubi bosh murabbiyi Joze Mourinyo Ispaniya chempionatidagi dastlabki uchrashuvda «Espanyol» ustidan qozonilgan 2:1 hisobidagi g‘alabani ta’minlagan Karlos Espi haqida fikr bildirdi.
21 yoshli hujumchi debyut uchrashuvida 80-daqiqada zaxiradan maydonga tushdi va oradan o‘n daqiqa o‘tib, hal qiluvchi golni kiritdi.
«Karlos — ajoyib futbolchi. Gonsalo Garsiyaning «Fulxem»ga o‘tishi mumkinligini bilganimizda, Xuni Kalafat uning o‘rniga bir nechta nomzodni taklif qildi.
Keyin Espining nomzodini tahlil qildik va ko‘rganlarimiz bizni hayratga soldi. U hali juda yosh. Bizga aynan shunday uslubdagi futbolchi kerak edi.
Espi — juda ijobiy va xushchaqchaq yigit. U o‘z orzusi bilan yashayapti, shu bilan birga qattiq mehnat qilmoqda va jamoa manfaati uchun bor kuchini sarflayapti.
Albatta, uning goli uchrashuv taqdirini hal qildi. Ammo u Mbappega qulay uzatma bergan vaziyatni ham alohida ta’kidlash kerak», — dedi Mourinyo matbuot anjumanida.
«Real» Karlos Espini «Levante»dan 25 million yevro evaziga sotib olgan.
Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi
Braziliyalik afsonaviy futbolchi Roberto Karlos musulmon bo‘lgani haqidagi mish-mishlarga munosabat bildirdi
Shavkat Rahmonov endi oktagonga umuman qaytmaydi
