Моуриньо кумуш медални мухлисларга бериб юборди (фото)

Жозе Моуриньо Европа лигаси кумуш медалини мухлисларга бериб юборди.

"Рома" бугун турнирнинг ҳал қилувчи баҳсида "Севилья"га пеналтилар сериясида (1:1, 1:4 пен.) мағлуб бўлди.

Португалиялик мураббий медални ҳаммадан олдин, жамоаси тақдирланишидан бир неча дақиқа олдин қабул қилиб олди, шундан сўнг у мукофот билан “Пушкаш Арена” трибуналарига яқинлашиб, уни ишқибозга ташлади.

Бу мағлубият Моуриньо учун еврокубоклар финалидаги илк мағлубият бўлди.