Москва аҳолиси бензин учун жой талашиб муштлашди

Гувоҳларнинг «Осторожно, новости»га айтишича, жанжал 18 август куни соат 23:10 да Ленинград шоссесида содир бўлган. Икки эркак АЁҚШдаги навбатда жой талашиб қолган ва тортишувдан сўнг бир-бирини ура бошлаган. Кейинроқ уларга нафақадаги киши ҳам қўшилган. Эркакларни ажратишга гувоҳлар аралашган, жанжал иштирокчиларидан бирининг футболкаси йиртилган. Шундан сўнг улар бир-бирини таёқ билан таҳдид қилган. Бу воқеа Москвада ёқилғи учун навбатлар яна кўпайган пайтга тўғри келди. РБК маълумотларига кўра, айрим АЁҚШларда бензин сотувига лимит жорий қилинган: «Газпром нефть» шохобчаларида бир бакка 40–60 литргача, «Татнефть»да эса 50 литргача бензин ва 60 литргача дизель сотилмоқда. Айрим шохобчаларда навбатлар юзага келгани ҳақида москваликлар шикоят қилмоқда.