Бухорода хорижлик шахс маҳаллий тадбиркорнинг 14 млн сўмлик молини қарзга олиб, ғойиб бўлди. Бу ҳақда вилоят ҳокимлиги ахборот хизмати хабар берди.
Молдова фуқароси И.П. жорий йил февраль ойида Бухоро вилояти “Марказий деҳқон бозори”да хўжалик моллари савдо дўкони сотувчиси фуқаро Р.Ҳ.га молини шаҳарлараро айланиб юриб, асосан Бухоро ва Хоразм вилоятларида сотиб беришини таклиф қилади. Ўзаро келишувга кўра, Р.Ҳ. хориж фуқаросига товарини улгуржи нархда ҳисоблаб беради. Хорижлик тадбиркор 14 млн сўмлик товар учун 3 млн сўм тўлаб, қолганини маҳсулот сотилганидан кейин тўлиқ беришини ваъда қилади.
Арзимаган пулга катта миқдордаги молни қўлга киритган молдовалик “уддабурон” тадбиркор шу билан ғойиб бўлган.
Бухоро тумани, “Шергирон” МФЙда яшовчи фуқаро Р.Ҳ. узоқ кутишлардан сўнг алданганини англаб, ниҳоят, шу йил 29 июль куни вилоят ИИБга ариза билан мурожаат қилган. Вилоят ИИБ матбуот хизматининг хабар беришича, ҳолат юзасидан Жиноят Кодексининг 168-моддаси, 1-қисмига мувофиқ жиноят иши қўзғатилган. Молдова республикаси фуқароси, 1994 йилда туғилган ва ҳозирда Атачи шаҳрида доимий рўйхатда турган фуқаро И.П. иши бўйича дастлабки тергов ҳаракатлари олиб борилмоқда.
Маълумот учун, Молдова фуқароси И.П. 2018 йилнинг 21 июнида Ўзбекистонга келган. У Бухоро шаҳри марказининг “Дилкушо” кўчасидаги уйлардан бирида қўним топиб, вақтинча яшаб, шу ерда савдо-сотиқ ишларини йўлга қўйган.
19 май куни ёмғир ёғиши мумкин бўлган ҳудудлар эълон қилинди
Ўғри божхоначилар 26 тонна олтин билан қўлга тушди
Наманганда 63-халқаро “Гуллар фестивали” бошланди
