Модрич "Реал Мадрид" ва клуб мухлислари билан хайрлашди

Мадриднинг “Реал” клуби ярим ҳимоячиси Лука Модрич жамоаси билан хайрлашди. Футболчи жамоа билан 13 мавсумда 28 та турнирда ғалаба қозониб, "Лос Бланкос" билан қўлга киритилган унвонлар бўйича рекордчига айланди.

"Буни айтиш қийин, аммо ҳис-туйғулар аралаш. Унутилмас, шонли ва ғалабали давр тугади. Бошдан кечирганларим менга янада катта қувонч бағишлайди. Бу ерда эришган барча ютуқларимни эслаш мени жуда хурсанд қилади, ҳатто ҳаммаси ортда қолган бўлса ҳам. "Реал Мадрид"да мен футболчи ва шахс сифатида ўсдим. "Реал" менга футболчи сифатида ҳамма нарсани берди ва бунинг учун Мадридни ҳар доим қўллаб-қувватлайман.

Бу узоқ, аммо унутилмас саёҳат эди. Мен футболчи сифатида ҳам, шахс сифатида ҳам ўсдим. Менинг уйимдан узоқда яна бир уйим бор - Мадрид ва Испания. Мен жуда хурсандман ва ишончим комилки, вақт ўтиши билан мен ўз ютуқларимдан хабардор бўламан, чунки бу ерда эришган барча ҳис-туйғуларни ва барча нарсаларни ҳазм қилиш учун вақт керак бўлади.

Рақамларимни эшитиб, бу ерда эришган ютуқларимдан хурсандман ва фахрланаман. Футбол тарихидаги энг яхши клубда энг кўп совринларни қўлга киритган футболчи бўлиш жуда таъсирли. Мухлисларнинг севгиси каби бошқа нарсалар ҳам бор. Мен буни доим эслайман, чунки ҳеч ким буни сиздан тортиб ололмайди. Сиз одамларни алдай олмайсиз ва улар сизни "Реал"да ўйнаганингиз учунгина севишмайди, лекин улар менга берган севгиси ақл бовар қилмайди", - дейди хорватиялик.