МИР карталарига хизмат кўрсатиш профилактика ишлари сабабли вақтинча тўхтатилган — UZCARD баёноти

Ягона умумреспублика процессинг маркази ўз веб сайти орқали "МИР" карталари бўйича амалдаги вазият юзасидан изоҳ берди.

Баёнотда UZCARD тўлов тизими иштирокчиси томонида техник ва профилактик ишлар олиб борилиши сабабли, 2022 йил 23 сентябрь куни соат 09:00 дан UZCARD инфратузилмасида “МИР” карталарига ҳамда хорижда UZCARD – “Мир” кобейжинг карталарга хизмат кўрсатишни вақтинча тўхтатилгани ҳақида маълум қилган.

Шунингдек, UZCARD – “МИР” кобейжинг карталари Ўзбекистон Республикаси ҳудудида UZCARD тўлов тизими инфратузилмасида одатдагидек ишлашни давом этади, дейилган хабарда.